Breaking News

Radio Star

भाषाशास्त्रीको नाममा सडकको नामाकरण गर्ने तयारी

प्रकाशित मिति : २५ फाल्गुन २०७५, शनिबार १९:२४

विराटनगर, २५ फागुन । वरिष्ठ भाषाशास्त्री प्राज्ञ बालकृष्ण पोखरेलको नाममा सडकको नामाकरण गरिने भएको छ ।
विराटनगर महानगरपालिकाले ट्राफिक चोकदेखि पोखरेलको निवास निलसदनसम्मको सडकलाई बालकृष्ण मार्ग नामाकरण गर्ने प्रक्रिया अगाडि बढाइएको मेयर भीम पराजुलीले जानकारी गराए । पोखरेलको १३ औं पुण्यतिथिका अवसरमा महानगरले शनिबार आयोजना गरेको श्रद्धाञ्जलीसभामा मेयर पराजुलीले भने, “उहाँ विराटनगरका मात्रै नभएर मुलुकै गहना हुनुहुन्थ्यो । उहाँले नेपाली भाषा, साहित्य र अनुसन्धानमा पु¥याएको योगदानको उच्च कदर गर्दै बालकृष्ण मार्ग नामाकरण गर्ने तयारी भइरहेको छ ।” मार्ग नामाकरणका लागि आवश्यक प्रक्रिया अगाडि बढाइसकिएको उनले जनाए । मेयर पराजुलीले छिट्टै स्मृद्धिग्रन्थ प्रकाशनका लागि पहल गर्ने बताए ।
श्रद्धाञ्जलीसभामा प्रदेश प्रमुख प्रा.डा. गोविन्दबहादुर तुम्वाहाङले पोखरेलको निधनले मुलुकलाई नै अपुरणीय क्षति पुगेको टिप्पणी गरे । पोखरेल बहुमुखी प्रतिभाको धनी भएको चित्रण गर्दै तुम्वाहाङले भने, “उहाँ धेरै भाषाका ज्ञाता मात्रै होइन विज्ञ हुनुहुन्थ्यो । उहाँको योगदानको मापन गर्ने कुनै आधार नै छैन ।” प्रदेश–१ का सामाजिक विकासमन्त्री जीवन घिमिरेले पोखरेलले देखाएको बाटोमा हिंड्न सके मात्रै उहाँप्रति सच्चा श्रद्धाञ्जली हुने विचार राखे ।
नेकपाका केन्द्रीय सदस्य महेश रेग्मीले भाषाशास्त्री पोखरेलले नेपाली भाषा साहित्यमा पु¥याएको योगदान तुलना नै हुन नसक्ने दाबी गरे । प्रा.डा. टंक न्यौपाने, प्रा.डा. बद्रीविशाल पोखरेल, वरिष्ठ समालोचक दधिराज सुवेदी, प्राज्ञ विवश पोखरेल, समाजसेवी इन्दिरा रिजाल, नेपाल पत्रकार महासंघ मोरङका अध्यक्ष बन्धु पोखरेल, कवि एवं पत्रकार मीनकुमार नवोदितलगायतले भाषाशास्त्री पोखरेलको योगदानको कदर गर्दै प्रतिष्ठान गठन गर्नुपर्नेमा जोड दिए । उनीहरूले भाषाका क्षेत्रमा पोखरेल दक्षिण एसियाकै मूर्धन्य स्रष्टा भएको विचार राखे । त्यस्तै कार्यक्रममा विभिन्न स्रष्टाले शोक कविता वस्तुत गरेका थिए । नेपाली भाषामा झर्रोवादी आन्दोलनका प्रणेतासमेत रहेका साहित्यकार पोखरेलको यही फागुन १२ गते ८६ वर्षको उमेरमा निधन भएको थियो । उहाँका वृहत नेपाली शब्दकोष, खस जातिको इतिहास, पाँच सय वर्ष, नेपाली–अंग्रेजी–नेपाली शब्दकोषसहित ११५ वटाभन्दा बढी कृति प्रकाशित छन् ।

 

प्रकाशित मिति : २५ फाल्गुन २०७५, शनिबार १९:२४

हाम्रो बारेमा

विराट सन्देश डिजिटल अनलाईन
विराटनगर- ५, चादनी चोक
मोरङ, नेपाल
फोन नम्बर ०२१४६२८४३
ईमेल-  [email protected]

Archives

Facebook

हाम्रो समूह

१. शेखर रेग्मी- प्रधान सम्पादक
२. मीनकुमार नवोदित- सम्पादक
३. गोपाल पोखरेल- सह सम्पादक
४. सुशिला पाठक- कार्यकारी सम्पादक
५. धिरज दाहाल- समाचार संयोजक
६. सुशान्त रिजाल- प्रबन्ध निर्देशक
७. आशिष भट्टराई- निर्देशक

Official Address

Birat Sandesh Digital Online

Biratnagar-5, Chadani Chowk

Morang, Nepal

Phone 021-462843

Email: [email protected]