Breaking News

Radio Star

आईसीसी एकदिवसीय विश्वकप क्रिकेट प्रतियोगितामा घरेलु टोलीलाई पराजित गर्दै साविक विजेता टोली अस्ट्रेलिया सेमिफाइनलमा स्थान बनाउने पहिलो टोली बनेको छ । मंगलबार लड्स क्रिकेट मैदानमा भएको खेलमा अस्ट्रेलियाले इङ्ग्ल्यान्डलाई ६४ रनको फराकिलो अन्तरले पराजित गर्दै अन्तिम चारमा स्थान बनाएको हो । टस हारेर पहिलो ब्याटिङ गरेको अस्ट्रेलियाले दिएको २ सय ८६ रनको लक्ष्य पछ्याएको इङ्ग्ल्यान्डले ४४ दशमलव ४ ओभरमा सबै विकेट गुमाएर २ सय २१ रन मात्रै बनाउन सक्यो । इङ्ग्ल्यान्डलाई पराजित गर्न अस्ट्रेलियाका जसन बेरेन्डोफ र मिचेल स्टार्कले उत्कृष्ट बलिङ गरे । बेरेन्डर्फले जारी विश्वकपमा पहिलो खेल खेल्ने अवसर पाएका थिए । अस्ट्रेलियाका बलरले धारीलो बलिङसामू निरिह देखिएको इङ्ग्ल्यान्डका लागि वेन स्टोक्सले ८९ रन बनाउनु बाहेक अन्य खेलाडीले राम्रो रन जोड्न सकेनन् । अस्ट्रेलियाका लागि स्टोक्सले ८९ रन बनाउँदा जोनी बेरिस्टाले २७, क्रिस वार्कसले २६ रन, जोस बटलर र अदिल राशिदले समान २५–२५ रन बनाए ।

इङ्ग्ल्यान्डविरुद्ध अस्ट्रेलियाका वेरेन्डोफले १० ओभर बलिङ गर्दै ५ विकेट लिएर ४४ रन खर्चिए भने स्टार्कले ८.४ ओभरमा ४ विकेट लिँदै एक मेडन ओभरसहित ४३ रन खर्चेका थिए । यसअघि पहिलो ब्याटिङ गरेको अस्ट्रेलियाका लागि कप्तान आरोन फिन्चले उत्कृष्ट ब्याटिङ गरे । उनले ११५ बलमा सय रन पुरा गर्दै शतक बनाए । यस्तै, डेभिड वार्नरले अर्धशतकसहित ५३ रन बनाउँदा एलेक्स क्यारेर र स्टेभ स्मिथले समान ३८— ३८ रन बनाए । अस्ट्रेलियाविरुद्ध इङ्ग्ल्यान्डका बलरले उत्कृष्ट बलिङ गर्दै अस्ट्रेलियालाई नियन्त्रणमा राख्न सफल भएका थिए । जसमा क्रिस वार्कसले २ विकेट लिँदा जोर्फा आर्चर, मार्क वुड,वेन स्टोक्स र मोइन अलिले समान एक –एक विकेट लिए । योसँगै विश्वकपमा इङ्ग्ल्यान्ड सन् १९९२ पछि सधै पराजित हुँदै आएको छ भने अस्ट्रेलियाले इङ्ग्ल्यान्डसामू आफलाई बलियो सावित गर्दै आएको छ ।
इङ्ग्ल्यान्डविरुद्ध ४ विकेट लिएका मिचेल स्टार्क विश्वकपमा सर्वाधिक धेरै विकेट लिने खेलाडी बनेका छन् । उनले जारी विश्वकपमा १९ विकेट लिइसकेका छन् भने इङ्ग्ल्यान्डका आर्चरले १६ विकेट हात पारेका छन् भने उनी दोस्रो स्थानमा रहेका छन् ।

जीतसागै अस्ट्रेलिया विश्वकपको शिर्ष स्थानमा उक्लिएको छ । अस्ट्रेलियाले ७ खेलबाट १२ अंक बनाउँदै सेमिफाइनलमा स्थान बनाउँदा घरेलु टोलीको ७ खेलबाट ८ अंकसहित चौथो स्थानमा रहेको छ ।

प्रकाशित मिति : ११ असार २०७६, बुधबार ०७:१०

सम्पर्क

विराट सन्देश डिजिटल अनलाईन

विराटनगर- ५, चादनी चोक

मोरङ, नेपाल

फोन नम्बर ०२१४६२८४३ 

मोबाईल- ९८४२०२०५४६, ९८६२०३७३४०

ईमेल-  [email protected]

हाम्रो समूह

१. शेखर रेग्मी- प्रधान सम्पादक
२. मीनकुमार नवोदित- सम्पादक
३. गोपाल पोखरेल- सह सम्पादक
४. सुशिला पाठक- कार्यकारी सम्पादक
५. धिरज दाहाल- समाचार संयोजक
६. सुशान्त रिजाल- प्रबन्ध निर्देशक
७. आशिष भट्टराई- निर्देशक

 

 

© 2019 Sakira Media Network Pvt. Ltd. | All Right Reserved.

Facebook