१० मंसिर २०७७, बुधबार
ताजा अपडेट Close

Birat Sandesh

आइतबार, कार्तिक ०२, २०७७ मा प्रकाशित

अष्ट्रिया / अष्ट्रियामा स्थापना गरिएको नेपाली युरोपियन खेलकुद संघले पूर्णता पाएको छ ।
रिक्त सचिव र सदस्यहरूमा मनोनित गरेसँगै समितिले पूर्णता पाएको हो । खेलकुदका माध्यमबाट नेपाली कला, संस्कृतिको प्रचारप्रसार र युरोपमा रहेका नेपालीहरूबीच आपसी भाइचारा अभिवृद्धि गर्ने उद्देश्यका साथ स्थापित संघको सचिवमा किरण भण्डारीलाई मनोनित गरिएको छ । संघको सल्लाहकारमा अंग शेर्पालाई मनोनित गरिएको उपाध्यक्ष डि.आर. नेपालले जानकारी दिए । त्यस्तै ज्ञानेन्द्र बड्तौला, ओमप्रकाश रोका र सन्तोष भट्टलाई सदस्यमा चयन गरिएको छ । “अब समितिले पूर्णता पाएको छ,” उपाध्यक्ष नेपालले भने, “संघमार्फत योजनाबद्ध रुपमा खेलकुदका गतिविधि गर्नेछौं ।”
यसअघि दिलकुमार घमालको अध्यक्षतामा उपाध्यक्ष, महासचिव र कोषाध्यक्ष चयन गरिएको थियो । जसअन्तर्गत उपाध्यक्षमा डि.आर. नेपाल, महासचिवमा यम मानन्धर र कोषाध्यक्षमा कृष्णबहादुर विश्वकर्मा चयन भएका थिए । संघलाई वैधानिक रुपमा सञ्चालन गर्न आफ्नो छुट्टै विधान र लोगो बनाइसकिएको उपाध्यक्ष नेपालले जानकारी गराए । संघले वार्षिक रुपमा अष्ट्रियामा खुल्ला भलिबल प्रतियोगिता गर्ने तयारी गरेको छ । यस वर्ष अक्टुवरमा प्रतियोगिता गर्ने तयारी गरे पनि कोभिड–१९ को बढ्दो संक्रमणका कारण स्थगित गरेको नेपालले बताए । “समय अनुकूल हुने बित्तिकै स्थगित गरिएको भलिबल प्रतियोगिता सञ्चालन गरिनेछ,” उपाध्यक्ष नेपालले भने । हरेक संस्थामा राजनीति हाबी हुने गरेको बताउँदै नेपालले संघमा राजनीतिक आस्था र विचारलाई घुस्न नदिने प्रतिबद्धता जनाए । उनका अनुसार संघलाई विशुद्ध खेलकुद गतिविधिमा सक्रिय बनाइनेछ । खेलकुद कुनै पनि मुलुकको पहिचान र त्यस देशका नागरिकको स्वास्थ्यसँग जोडिएको हुन्छ । उपाध्यक्ष नेपालका अनुसार ‘स्वास्थ्यका लागि खेलकुद’ भन्ने नारालाई साकार बनाउन संघले भलिबलसँगै खेलकुदका अन्य गतिविधि पनि गर्ने छ ।

 

आइतबार, कार्तिक ०२, २०७७ मा प्रकाशित
खेलकुद संग मिल्दोजुल्दो
ताजा पोष्ट
लोकप्रिय पोष्ट
Facebook
हाम्रो समूह

१. शेखर रेग्मी- प्रधान सम्पादक
२. मीनकुमार नवोदित- सम्पादक
३. आशिष भट्टराई- निर्देशक

 

 

सम्पर्क

विराट सन्देश डिजिटल अनलाईन
विराटनगर- ५, चादनी चोक
मोरङ, नेपाल मोबाईल- ९८४२०२८०४९
ईमेल- [email protected]